Gümüşə qulluq: sadə və təhlükəsiz üsullar

Gümüş niyə tutqunlaşır?

925 əyar gümüş havadakı kükürd birləşmələri, nəm, ətir və kosmetika ilə təmasda zamanla tutqunlaşır. Bu, təbii prosesdir və metalın keyfiyyətinə zərər vermir. Maraqlıdır ki, hər gün taxılan gümüş qutuda uzun müddət qalan gümüşdən daha az qaralır.

Gündəlik qaydalar

• Ətir, krem və saç spreyindən zərgərliyi taxmazdan əvvəl istifadə edin.
• Hovuzda, dənizdə, saunada və idman zamanı gümüşü çıxarın.
• Təmizlik vasitələri ilə işləyərkən üzük və qolbaqları çıxarın.
• Taxdıqdan sonra məmulatı yumşaq, quru parça ilə silin.

Evdə necə təmizləmək olar?

• Yüngül tutqunluq üçün gümüş üçün nəzərdə tutulmuş yumşaq parça ilə silmək kifayətdir.
• Çox çirklənibsə, ılıq su və bir neçə damcı yumşaq sabun istifadə edin, yumşaq fırça ilə ehtiyatla təmizləyin.
• Təmizlikdən sonra yaxşıca yaxalayın və tamamilə qurulayın: nəm qalsa, gümüş yenidən tez tutqunlaşır.
• Diş pastası, soda və sərt fırçadan istifadə etməyin: onlar səthi cızır.

Daşlı və örtüklü məmulatlar

Daşlı və ya rodium örtüklü gümüş məmulatları suda uzun saxlamayın və kimyəvi təmizləyicilərlə təmizləməyin. Onlar üçün yalnız quru, yumşaq parça kifayətdir. Əmin deyilsinizsə, məmulatı mağazamıza gətirin, məsləhət verək.

Necə saxlamaq lazımdır?

Hər məmulatı ayrıca kisədə və ya ağzı bağlanan paketdə, quru yerdə saxlayın. Belə saxlama həm tutqunlaşmanı yavaşladır, həm də zəncirlərin dolaşmasının və daşların cızılmasının qarşısını alır. Vanna otağı gümüş saxlamaq üçün ən pis yerdir.