Boyunbağı uzunluğunu necə seçmək olar?

Uzunluq niyə vacibdir?

Eyni kulon qısa zəncirdə boyna yaxın, uzun zəncirdə isə sinədə durur və tamam başqa görünür. Boyunbağının uzunluğu santimetrlə göstərilir və hər məhsulun səhifəsində yazılıb.

Ən çox istifadə olunan uzunluqlar

• 40 sm: boyun dibində oturur. İncə zəncir və kiçik kulon üçün uyğundur.
• 45 sm: ən universal ölçüdür. Köynəyin və ya açıq yaxalı geyimin üstündə yaxşı görünür.
• 50 sm: körpücük sümüyündən bir qədər aşağıda durur. Orta ölçülü kulonlar üçün rahatdır.
• 60 sm və daha uzun: sinədə durur, qalın geyimin üstündən taxmaq üçündür.

Kulona uyğun uzunluq

Kiçik kulon 40–45 sm zəncirdə daha səliqəli görünür. İri və ya uzun kulon üçün 50 sm və daha uzun zəncir uyğundur.

Yaxa formasını da nəzərə alın. V yaxalı geyimə uzun zəncir, yuvarlaq yaxalıya qısa zəncir yaraşır.

Hədiyyə üçün uzunluq seçmək

Uzunluğu bilmirsinizsə, 45 sm seçin: bu, ən çox seçilən ölçüdür. Ölçmək istəyirsinizsə, onun taxdığı zəncirlərdən birini düz səthə qoyub xətkeşlə ölçün.

Mağazada zəncirləri taxıb baxmaq da mümkündür: sifarişi Azadlıq prospekti 55-dən götürərkən yoxlayın.